ليت كل المخالفات المرورية زيك << ادخل وتعرف اكثر ^^

بسم الله الرحمن الرحيم

السلام عليكم اخواني عشاق السيدة عشاق الفن عشاق الطرب عشاق المدري وش اقول ي ناس ..

بدون مقدمات الموضوع واذح وضوح الشمس في رابعة النهار

انا ادري انها مخالفة مايعرفها الا كم واحد بس يله وش نقول

الزبدة ..بعد مانزلت الوالده الله يحفظها ويطول بعمرها للسوق.. وقفت قدامي دورية ((مرور))..

المهم ابو الشباب مطول اطلع ي راعي الفورد كررها ست الاف مرة وانا منتص وراه و واقف على اعصابي احتريه ..

اكبس .. ماتحرك .. اصقع بوري برضو ملزم .. اصقع بوري ثاني واخيرا فتحلي طويل العمر ..

محطت الموتر من جنبه ومشيت والي ماصدق خبر يلحقني وانا اسحب سيفون وهو وراي واسحب سيفون ..

قالي ي راعي الالتيما وقف على جنب .. على جنب لو تكرمت ..

مبيدي حل الا اني اوقف وانتظره ينزل << طبعا انس اني انزله

وهو يحتريني .. شاف الدعوى عناد ونزل وطلب الرخصة والاستمارة .. كل شي سليم الحمدلله والموتر جديد.

وانا اخوك بالله واثق:36:..

قلتله خير ان شاء الله وش فيه ..

وش المخالفة ولا مجرد تفتيش واستلعان


قالي مخالفتك هي ::

اساءة استخدام المنبه :sickkkk:

قلت بالله ماسمعت اقين .. وش الي منبه واساء استخدام كلها صقعة بوري ..

الزبدة م طول عليكم بعد ماسجل وقضا وانا عند باب الدورية يوم شفته قضى مسجل واسسسحب عليه واركب ..

عشان يجي زي الاسد لمي ويسلم المخالفة << رفع ضغطي مالي الا كذا :36:

مايمديني عالبيت دورتلي اقرب مقهى ..

دخلت والشباب يتابعون البرشا وخيخون <<

اروح لم واحد ثاني ونفس الكلام :sickkkk:

والثالث والله نفس الكلام .. وكلمت العيال الي تاكين وقلتلهم فيه مباراة قدرو الظروف الله يجزاهم خير وكملت اخر عشر ادقايق من الشوط الاول ..

بس شطحلي اجنبي يتابع البرشا وبعد ما غيرت قفلت معه ..::

hey hey wats happend
هيه وش السالفة ..
قلتله : y u want barca !!
تبي البرشا ..

سحب سيفون وقام معصب الله يجزاه خير ..

بعد ماكملت الشوط طلعت ورحت لواحد من العيال ويله امديت على الدقيقة 51 :36:

وكان الله كاتبله عشا من مطعم زي الفل واحلى عشا لعيون اليوفي ي خوي

وتوتا توتا خلصت الحتوتة

ويادار مادخلك شر وياليت كل مخالفة مثلك وشرواك

.......


تنبيه :: تم تنزيل الاهداف من قناتي .. تحصلها بالتوقيع