// إفـعـل وإعمـل .. ولكن .. لاتــنــدم //

1 _ :: الأم ::


هـاوشها وعـقهـا وإرفـع صـوتك عليهــا وخـلي دمـوعها على عيـونهـا واطلع وخلها
ورح و اكشخ قـدام اخـوياك إنك رجــال وإنك تـرد على أمـك وترفـع صـوتك عليها ..


و فجأة :-


راحـت الأم ومـاتت وقـلبها غاضـب عـليك وبالعـزا فـلان يعـزيك وعـلان يواسـيك ويـوم
سمـعت :



" وقل ربـي إرحمهـما كمـا ربيانـي صغــيرا " ..



لحظتها انهمـرت عـيونك من الدمـع وصرت بـين الناس زي الطفـل الوديـع وقبلها
كنت قـدام أخـوياك رجــال لأنك رافـع صوتـك عليهــا .. وين المرجـلة راحـت يافلان ؟؟



لاتنـدم فأنـت شخص عاقل لكنك رفست الجنة بقـدمك ..

أنقر للتوسيع...

2 _ :: قلـبــك ::


تنكـت .. تلعـب .. تضحك .. حياتك كلها ضحـك فـي ضحـك لـين ماصـارت حياتـك
المضحكة بـدون معـنى .. ماعـندك أمـور جـدية ولا مواضيـع حقيقـية ووناسـتك فوق
كل إعتبار وفـوق أي إحتــرام والكل ينصحك ويقـولك ياخونا خل فـيك جدية شـوي
ولكن ردك يكون :



" يارجال فلها بـس "



وفجأة :-


صرت شخص عـادي بنظـر كل الناس بسبب اسلوبك المضحـك وجـديتك المشكـوك
فـيها .. لين ماتخـلى عنـك كل من حـولك بـسبب استهتارك وخسـرت كـل من ضحكت
مـعه بـيوم ومـات قـلبك المضحك والمستهتـر وصـرت وحيـد بعـالم غـريب وكل من سألك
ليه ماسمعت الكلام قـلت له :



" الطبع غلاب يافـلان "



لحظتهـا الي فات مات و لاتنـدم لأنـك فليتهـا لـين مافـَل الكـل من حــولك وكـنت أنت سـبب بنفـور من حولك بأسـلوبك المضحك ..

أنقر للتوسيع...

3 _ :: بنت ناس ::


بنت من عائلة مرموقـة .. ربنا منعـم عليها بـ : الـ مال .. الـ جمال .. الـ صوت العذب ..
لكنها اخر اللـيل ضحـك على التلفـون مـع فــلان وسـوالـف مـع عـلان .. المحاضـرات
بالمدرسة كثـيرة عن المكالمات ومضارهـا .. النصـايح لها من كـل مكـان .. صديقتها ..
اختهـا .. وردهـا يكـون بـ تراني أعرف وش أسوي وترانـي أستهبل بـس ..


وغير هذا كـله حكمتها بالحياة وكلمتها الجاهـزة للناصحات هـي :


" أنـا كــول "



وفجأة :-


الساعة 11 الليل الوالـد بالشغـل يكـدح لعـيون عيالـه .. رن جـواله .. الو السلام عليكم
.. وعليكم السلام مين معي .. معـك مركز الهيئة .. خير إن شاء الله .؟ معليـش ياليت
تراجعـنا لأننـا لقينـا بنـتك بمطـعم مـع واحـد ونبـيك تكفلهـا وتستر عليهـا ..


راح الأب ورجـوله ماتقـوى حمله طلع بنته خايف على سمعـته بـين النـاس .. طلع بنته
من المركـز .. هزأهـا .. ضربهـا .. حرمهـا من كـل شي بـعد ماكـان موفـر لها كل شي ..


جلست البنت بينها وبين نفسها وتذكـر دلع أبوها لها أول وكرههـ لها حالياً وتقـول بينها
وبين نفسها أنا وش سويت وليه سويت ..



لحظتها الي فـات مـات ولاتنـدمين يابـنت لأنك انتـي كـول وتحمـلي عـواقـب حريـتك ..

أنقر للتوسيع...

4 _ :: أكبر مفـحــط ::


إسمه بـين الناس مـعروف .. وبـين أخـوياهـ مشهـور .. يـقود سيارتـه بشكل خيـالي
وغير طبـيعي .. برفـعة الكفـرين لاتناقشه .. وبالتخمـيس لاتجـادله .. وبالتعقـيد لاتحارشه ..


البـعض يـحمسه ويـعطيه من الكـلام المعسول الكـاذب والبعـض من أهل الخـير ينصحه
ويقـوله تـب واعـقل لأن ربـك :


" يمهل ولا يهمــل "


ولكـن ردهـ جاهـز بأنه رجـال وبأنه مايهمـه أحد وبأنه " ذيبــان " زي مايـسمونه ربعـه
المجانـين ..



وفجأة :-


الرجـال بالمستشفـى والأجهـزة حوله وإمـه بـرا تبـكيـه .. صـحيح كـان يعقـني .. صحيح
كان مايسمـع كـلامي .. صـحيح ماكـان يوصلني مشـوار قـريب للبيت وكـان يفــضل
ربـعه الدشير عـلي لـكن قـلبي مايطـاوعـني أشوف قطـعة قـلبي بهالمـوقـف والأجهـزة
حـوله بكل مكــان ..



بعدهـا طـلع من المستشفى .. الكرسـي المتحـرك صـار ونيسهـ .. وجـهه المشـوه صار
يصـبح عليه كـل يـوم .. فـروض ربـي وأشيائه الشخصية مايقـدر يسـويها بـعد مـاكـان
أنشط من غيـرهـ ..



وجلس يفـكر بـينه وبين نفسه ويقـول ليه ماسمعت كلام الشيخ فـلان وصديقـي الصالح
فـلان ..



لكـن لحظتها لاتنـدم لأنـك أنت من جلس نفسك بنفـسك وأنت من شوهـ وجهك بيدك ..

أنقر للتوسيع...