ما الجديد
بواسطة:
تصفيات
منتديات يوفنتوس العربية

مرحبا بك عزيزي الزائر. سجل حساب مجاني اليوم لتصبح فردا من أسرتنا! بمجرد تسجيل الدخول، ستتمكن من المشاركة في هذا المنتدى عن طريق إضافة مواضيعك ومشاركاتك، وكذلك التواصل مع الأعضاء الآخرين عن طريق الرسائل الشخصية الخاصة بك!

اصابة اليكس ساندرو بالعضلة الضامة / لا تمزق لـ بيانيتش / مشاركات رباعي دولي

A.L.E 10

A.L.E 10

سبحان الله و بحمده ❤️️
طاقم الإدارة
إنضم
17 أكتوبر 2008
المشاركات
83,432
مستوى التفاعل
53,513
النقاط
113


fotonoticia_20191116194650_640.jpg


بعد ميراليم بيانيتش و بالمكان نفسه في العضلة الضامة للفخذ الايمن , تعرض ظهير اليوفنتوس اليكس ساندرو للاصابة مع منتخب بلاده البرازيل خلال لقاء الارجنتين الجمعة و تم ابلاغ اليوفي بذلك و سيغيب عن مباراة كوريا الجنوبية الثلاثاء لكنه سيبقى مع منتخب بلاده و سيبدأ العلاج من هناك قبل العودة الى ايطاليا , بمجرد عودته الى اليوفي سيتضح اكثر الوقت الذي يحتاجه للتعافي و مدى جديتها ..

matthijs-de-ligt-joel-veltman-netherlands-11162019_1aoip6z5yyb8h1k42kz1u46u3j.jpg


في مشاركات دوليي اليوفنتوس اليوم و امس : [ لعب دي ليخت المباراة كاملة مع هولندا في التعادل 0-0 مع ايرلندا الشمالية و ضمنت تأهلها لليورو - مع لمسة يد اخرى غير مقصودة له - / كما لعب رامزي نصف ساعة كبديل مع ويلز في فوزها 2-0 ضد اذربيجان و سيكون مصيرهم مرتبط بالجولة الاخيرة الثلاثاء / تشيزني لعب المباراة كاملة لبولندا في فوزها 2-1 و قد ضمنوا التأهل مسبقاً / لعب كريستيانو رونالدو في مباراة البرتغال و فوزها اليوم 2-0 امام لوكسمبورغ و الهدف الثاني بينه او بين جوتا بعدما لمس كريستيانو الكرة على الخط او بعده , بالتالي تأهلت كذلك البرتغال لليورو ]

de-ligt-mani-olanda.jpg



hi-res-0596df130b275900cfcbf2bd81659ee3_crop_north.jpg



EJhfcBdWwAEQUoc



​
 
[ لا يوجد تمزق عضلي لـ بيانيتش , مجرد اجهاد و سيتم تقييم حالته اكثر من الطاقم الطبي لليوفي يوم الثلاثاء / الاربعاء سيقيم اليوفي حالة اليكس ساندرو الذي بدأ علاجه مع طاقم البرازيل ]
​
 
بالسلامه لبيانيتش وساندرو وان شاء الله بسيطه ...

هذا اللي يعتمد على باك يسار واحد و وسط واحد !!!

رونالدو مشاء الله عليه لعب مباراتين مع المنتخب الأولى سجل هاتريك والثانيه سجل هدف ومو واضحه اذا له الهدف او لا , بس هذا رد على ساري يتكلم قبل المباراة انه مصاب ويبدله بالدقيقه 55 يمكن ويقول مصاب ! والناس بدت تفلم وتقول اهوه طلب التبديل ! وراح المنتخب وسجل هاتريك ( اسطورة ):icon26:

والبعض يقول اليوفي اكبر منك ومستواك موزين ومنو انت اللي ماتتبدل !
اذا انا مهاجم وصلي كره صح وبعدين لومني بمستواي ! مو تخليني ابني هجمه والا انزل لي الوسط استلم كره ! حتى مافي عرضيات من الباك اليمين واليسار !

شوفه مع المنتخب والا ريال مايتعب مثل مايتعب مع اليوفي ! يلعب ون تو والا لمسه واللمسه الثانيه بالقول !

انا مادافع عن رونالدو ولا عن أي لاعب وبالعكس انا انتقده بسالفه الفاولات !
 
رونالدو بنفسه ينفي كلامك قبل شوي يالسمي و التصريح الحين بحطه : ) لا تستعيل : ) و ما اشوفه قدم الكثير مثلاً اليوم , تحركات قليلة و فرص ضايعة و هدف مافيه شيء , لازم ينتبه لنفسه وايد ,
​
 
hajriero قال:
بالسلامه لبيانيتش وساندرو وان شاء الله بسيطه ...

هذا اللي يعتمد على باك يسار واحد و وسط واحد !!!

رونالدو مشاء الله عليه لعب مباراتين مع المنتخب الأولى سجل هاتريك والثانيه سجل هدف ومو واضحه اذا له الهدف او لا , بس هذا رد على ساري يتكلم قبل المباراة انه مصاب ويبدله بالدقيقه 55 يمكن ويقول مصاب ! والناس بدت تفلم وتقول اهوه طلب التبديل ! وراح المنتخب وسجل هاتريك ( اسطورة ):icon26:

والبعض يقول اليوفي اكبر منك ومستواك موزين ومنو انت اللي ماتتبدل !
اذا انا مهاجم وصلي كره صح وبعدين لومني بمستواي ! مو تخليني ابني هجمه والا انزل لي الوسط استلم كره ! حتى مافي عرضيات من الباك اليمين واليسار !

شوفه مع المنتخب والا ريال مايتعب مثل مايتعب مع اليوفي ! يلعب ون تو والا لمسه واللمسه الثانيه بالقول !

انا مادافع عن رونالدو ولا عن أي لاعب وبالعكس انا انتقده بسالفه الفاولات !
أنقر للتوسيع...

صراحه رونالدو يستحق التبديل في كل المبارتين، لاعب جالس حرفيا يتمشى! رغم اني ضد تغيير لاعب ممكن يغير المباراه في اي لحظه ولكنه طريقه استهتاره ونرفزته مؤثره على اللاعبين، لذلك يجي تغييره وفوق هذا ساري لم يخطئ حيث النتيجه كانت الفوز في المباريات! ممكن نتكلم عن التشكيله اللي دخل فيها ولكن في المباراه وتغيير في اخراج رونالدو لم يخطئ. وهيجوايين جالس يقدم مستوى افضل منه وأفضل صانع لعب في اليوفي حتى الآن، وكوستا وديبالا كانا نقطه تحول في المباريات... يعني يخلي رونالدو ويطلع احد المبدعين الثلاث؟؟
 
juveg1988 قال:
صراحه رونالدو يستحق التبديل في كل المبارتين، لاعب جالس حرفيا يتمشى! رغم اني ضد تغيير لاعب ممكن يغير المباراه في اي لحظه ولكنه طريقه استهتاره ونرفزته مؤثره على اللاعبين، لذلك يجي تغييره وفوق هذا ساري لم يخطئ حيث النتيجه كانت الفوز في المباريات! ممكن نتكلم عن التشكيله اللي دخل فيها ولكن في المباراه وتغيير في اخراج رونالدو لم يخطئ. وهيجوايين جالس يقدم مستوى افضل منه وأفضل صانع لعب في اليوفي حتى الآن، وكوستا وديبالا كانا نقطه تحول في المباريات... يعني يخلي رونالدو ويطلع احد المبدعين الثلاث؟؟
أنقر للتوسيع...


انا ماقلت يطلع هيغوايين وديبالا وكوستا اللي كانوا احتياط اصلا! وانا ماشوف في مشكله انه يلعب الاربعه مع بعض!

انزين اذا انت ماتوصلي كره علشان اسجل تلومني؟!
 
a.l.e 10 قال:
رونالدو بنفسه ينفي كلامك قبل شوي يالسمي و التصريح الحين بحطه : ) لا تستعيل : ) و ما اشوفه قدم الكثير مثلاً اليوم , تحركات قليلة و فرص ضايعة و هدف مافيه شيء , لازم ينتبه لنفسه وايد ,
​
أنقر للتوسيع...


قريت التصريح، لم اكن على مايرام! انزين ما كان بكامل لياقته ومصاب!
يلعب مع المنتخب مباراتين كاملين ويسجل ٤ اهداف؟! :)
 


hajriero

عادي منتخبنا الكويتي غلب الصين تايبيه ( الاعلى من ليتوانيا بالتصنيف الدولي ) 9-0 و بدعوا لاعبينا اغلبهم : ) اليوم ما اشوف قدم شيء رغم انه حتى لوكسمبورغ منتخب عادي ، و بالعكس حركاته قليلة ( اليوفي و الدوري الايطالي و دوري الابطال تحتاج حركة اكثر حتى لو كمهاجم ) و نفس الشيء لو لعب ضد منتخبات اقوى

بعدين الكلام ماهو بس انه ما كان بحالة جيدة , قال عنده مشاكل و و .. ( شوف التصريح كامل ) ، لازم ما يخاطر و يدير نفسه بشكل احسن , ماهو صغير , على وشك يوصل 35 سنة , عادي ما يلعب مباراة مباراتين ( احسن من انه يلعب مباريات اكثر و ما يكون فيهم كلهم باحسن حالاته ) ، هذا بالنسبة للجانب البدني ، و بالنسبة للجانب السلوكي الموضوع مرة بالغ فيه , لا تبديل احترمه و طلع من الملعب حتى بدون لا يعرف النتيجة​
 
لا ومستانسين فازين ٩ :d
خل نتاهل ان شاء الله بعدين ناخذ طراقات :d


يعني لاعب بحجم رونالدو وعلى قولتك بعمره هذا مايدري انه مصاب ويمكن تأثر علي اذا لعبت، اتوقع الموضوع مو موضوع اصابه او اجهاد !

ترى اللي صار كله مو حلو لا من ساري ولا رونالدو...
 
hajriero قال:
انا ماقلت يطلع هيغوايين وديبالا وكوستا اللي كانوا احتياط اصلا! وانا ماشوف في مشكله انه يلعب الاربعه مع بعض!

انزين اذا انت ماتوصلي كره علشان اسجل تلومني؟!
أنقر للتوسيع...

ماعندي مشكله يلعبوا مع بعض، بس اول خلي الاداره تجيب وسط قوي ودفاعي عشان يدعمهم يلعبوا مع بعض، ولا راح ناكلها أهداف!
وراح تقول لي أن رونالدو مع ضيع أهداف كثيره خلال المباريات الماضيه؟! كم هدف سهل تم تضييعه بطريقه غريبه، هو أكثر واحد، صح الباقي نفس الشي مضيعين بس هو مهاجم معروف بالتسجيل الدائم ولكنه لم يسجل الا القليل مقارنه بالفرص اللي لديه!

ونفسي اعرف اذا لعبنا بالكل مع بعض بتكون كذا

هيجوايين رونالدو
ديبالا كوستا
بيانيتش....

لازم لاعب وسط دفاعي يدافع عند تقدم الباقي ولازم خط دفاع قوي ومتماسك وهو اللي ماعندنا! وراح فيها الفريق مع ضعف هالشيئين.
 


HAJRIERO


ازرقنا يبيله وقت و لا عندنا لاعبين الصراحة يبيلهم انسجام و وقت مع بعض , المدرب ما ندري نشوف شنو عنده مع الوقت , اقل شيء يتأهلون للدور الياي حالياً و بعدين نشوف اذا تحسنوا مع الوقت : d

بسالفة رونالدو , انا صراحة ما ادري ليش بعض اللاعبين حرام يتبدلون بشكل عام حتى لو 15-20 دقيقة ، و بشكل خاص اهني مع رونالدو و هو حالته باعترافه ماهو باحسن حالاته , ليش ما يتقبل التبديل ؟! ( مو لازم يستشيره , من نظرته له بالمباراة و رونالدو بنفسه يحط بباله انه بالاصل ماهو بحالة جيدة فـ ليش ما يتقبل التبديل ما ادري )

اللي يقولون رونالدو مأشر للتبديل ذولي يرقعون ( من اللي يبالغون مع رونالدو لو على حساب الفريق ) و لا هو بالاصل لازم يتقبل التبديل و عادي و كلامه ( اللي هو مجرد تأكيد لكلام ساري من فترة و قاعدين ينكرونه الناس و يقولون ساري يكذب !! ) ، و اللي يكره اكثر من المشجعين بشكل عام هم مشجعين رونالدو نفسه و ما عندهم شغل غير دفاع عن رونالدو و على طول قاموا على ساري ( على عكس مشجعين اليوفي - مثل اللي بايطاليا - اللي شفتهم بالغالب عارف الموضوع و شايف الاداء و كلام ساري و جاهزيته ) ، و طبعاً الاعلام حدث و لا حرج اخذ و رد , لان موضوع محبب لهم ، و كنت اتمنى من رونالدو يكون جريء و يصرح اسرع من التأخير اسبوع كامل , لكنه بنفس الوقت خلانا نشوف اشياء سيئة نعيشها بالكرة من اعلام و مشجعين

اتمنى بس ينتبه لما ما يأدي بشكل زين و يشوف الافضل له و يحط بباله انه التبديل مرات عادي دام مو بافضل حالاته , لو يلعب مباراتين زينة ( و يريح في 2 ) احسن من كم مباراة عادية​
 
juveg1988 قال:
ماعندي مشكله يلعبوا مع بعض، بس اول خلي الاداره تجيب وسط قوي ودفاعي عشان يدعمهم يلعبوا مع بعض، ولا راح ناكلها أهداف!
وراح تقول لي أن رونالدو مع ضيع أهداف كثيره خلال المباريات الماضيه؟! كم هدف سهل تم تضييعه بطريقه غريبه، هو أكثر واحد، صح الباقي نفس الشي مضيعين بس هو مهاجم معروف بالتسجيل الدائم ولكنه لم يسجل الا القليل مقارنه بالفرص اللي لديه!

ونفسي اعرف اذا لعبنا بالكل مع بعض بتكون كذا

هيجوايين رونالدو
ديبالا كوستا
بيانيتش....

لازم لاعب وسط دفاعي يدافع عند تقدم الباقي ولازم خط دفاع قوي ومتماسك وهو اللي ماعندنا! وراح فيها الفريق مع ضعف هالشيئين.
أنقر للتوسيع...


انا معاك لازم وسط دفاعي قوي، وكان عندنا وسطنا فيدال وبوغبا بيرلو ! شسوينا انطقينا بالثلاثه والاربعه :)

ترى حاليا اغلب الفرق الكبيره ماعندها وسط دفاعي قوي وتعتمد على قوه الهجوم وتفوز بال ٤ و ٥ ! ليش احنا مو جذي شنو ينقصنا؟!
 
ale10​

رونالدو تأخر بالرد حسب توقعي لانه كان يبي يبين حق ساري والجماهير انه مافي شي ولعبت مع المنتخب وسجلت!
ولو مو لاعب او مسجل ماتوقع يطلع بهالتصريح
 
مشكلة اذا يشوف مباراة مثل ليتوانيا يعتبرها للرد : ) مباراة على باب واحد و كان ممكن يسجل سوبر هاتريك حتى ( 9 تسديدات غير الهاتريك ) , حتى لوكسمبورغ لعبوا افضل من ليتوانيا

ما نبي منه رد , نبي منه بس يلعب باداء افضل من الفترة الماضية و يراعي حالته البدنية و يترك التفكير الفردي ,​
 
يجب تسجيل الدخول أو التسجيل كي تتمكن من الرد هنا.
أعلى