بصراحة طالما ميستر جبان مدرب للفريق ، انا مع خروج اللاعب لان اسلوب لعب ارثور متنافي تماما مع اسلوب هالدجاجة ، يعني الغبي بيظل غبي سبحان رب العباد مدرب تافه بيحكي بواحد من مؤتمراته ان بينزل ارثور و كايو اخر الدقايق للحفاظ عالكرة و كسر رتم الخصم ، هذا دليل على ان اللاعبيين عندهما ميزة الحفاظ على الكرة و ميزة تدوير الكرة بشكل سليم و سلس، و مع هيك هو بيحب نوعية الزرافة الطويلة رابيو يلي كل كرة يستلمها يفقدها و يا تصير هجمة على الفريق و هدف و يا يتصرف فيها بكل رعونة ، اكثر لاعبين بوسط اليوفي نظرتهم الهجومية حلوة هم لوكاتيللي و ارثور و الميستر دجاجة رافض فكرة اشراكهم سوا واحدهم بديل للاخر و لما ينزلهم يكبلهم بادوار دفاعية بحتة ، و من تخلفه بيعطي الدور الهجومي لاغبي اللاعبين بخط الوسط بينتا ما اله علاقة بالتقدم الهجومي و لا بعمره كانت عنده النزعة الهجومية غير عملية الزيادة العددية قدام منطقة الخصم لا اكثر ، و بيعطي الدور الهجومي لرابيو يلي بيستلم الكرات و بيلف حوالي نفسه و يشلفها اغلب الاحيان و وقت الاحتكاك بيخاف على نفسه ، بيظل معنا ماكيني يلي عنده شوية حس تهديفي بصراحة و بيحاول يعمل كثافة هجومية و زيادة عددية عند منطقة الخصم ، لو مدرب فهمان كان فهم ادوار لاعبيه مو اخترع لهم ادوار جديدة بس التافه بيظل تافه ، و لسه ما شفنا شي من تفاهته لان بس تكمل كشة العاهات تبعه راح نشوف شي تاني و مصايب ، لان ديشيليو راح يرجع اساسي و بيرنارديسكي جناح يسار مكان رابيو و رابيو بياخذ مكان لوكاتيللي و رامسي بجانبه قدام الدفاع و ماكيني جناح يمين و موراتا راس حربة و استر يا ستار شو راح يصير بخصوم اليوفي من كتيبة الضحك والله الخصوم راح تفرط من الضحك و يلي ما يشتري يتفرج ،
اقسم بالله الواحد الأحد يا شباب كثير مرات من وقت رجعة هالجبان وانا بحاول اقنع حالي ما اتفرح على مباريات اليوفي و اعتبرها فترة مؤقته و تعدي و ينقلع هالتافه و يجي مدرب فهمان مو كائن متخلف بس ما عم اقدر لان بحس حالي خاين و دمي بيغلي اذا ما تفرجت ، و بعرف اغلبكم هيك ، لو الطفل التافه انيللي عنده شي بسيط من حبنا لليوفي كان راح يتصرف بغير شكل بس ولد و غبي و حطوه بالواجهة و شايف نفسه ملك على عرش و متوهم انه المتحكم و ما بيعرف انه مجرد دمية و ايمت ما بدهم بيخوزقوه ،
لهيك بعتذر منكم اذا غلطت بشي مرة بالحكي بدون ما انتبه مع اني كثير حريص ما اغلط احتراما لوجودكم طبعا مو لان الميستر دجاجة و انيلبي ما بيستاهلوا ، و اغلب تعليقاتي هجومية و اغلبكم مثلي بس كل هذا بسبب عشقنا لكرة القدم و متأملين بان يكون النادي بنشجعه يكون مثل باقي الاندية و يقدم ( كرة قدم ) لان يلي موجود حاليا مو كرة قدم ولا له علاقة باللعبة ، و على امل ينقلع كروب التفاهة حيشاكم
