تاكيناردي : غاسبريني افضل مدرب بالدوري الايطالي و تمنيت كثيراً لو كان في اليوفي !

كلام 100 %

معه حق
افضل مدرب هو غاسبريني
مدرب قتالي وعنده شخصية قوية
لا اعلم لماذا هذه الادارة التافهة لم تفكر به
على كل اتمنى التوفيق لاليغري خصوصا انه معنا لاربع سنوات ضوئية يعني امراض ضغط وسكري وقلب وامراض نفسية وعصبية
الله المستعان

Sent from my VOG-L04 using Tapatalk

كلام تاكي صح ولا غبار عليه بصراحة لان الدوري الايطالي و انديتها بالمجمل بالاخص الكبار تحتاج لنوعية غاسبريني و اللعب للهجوم لا غير ، غاسبريني في اتلانتا صنع فريق من لا شيء و صار يتصنف من الكبار حتى اوروبيا و كل خصم له يحسب الف حساب مشكلته بالوقت الحالي اغلب لاعبيه مصابين و مع هيك تخطى كل هالشي و حاليا موجود بالمقدمة و لاعبي فريقه راجعين من الاصابات بعمري ما كنت متخيل يعجبني زاباكوستا لان كنت اشوفه عاهة مثله مثل ديشيليو بس سبحان مغير الاحوال من حال لحال شفته لاعب تاني مع غاسبريني بانطلاقاته و سرعته و عرضياته ، غاسبريني تقول عليه منمي مواهب و مكتشف لاعبين صح لان هو يلي عمل غوسينس و هاتديبور و هو يلي اخذ روميرو من اليوفي و عمل منه افضل مدافع بالكالتشيو و عطى الفرصة مالينوفسكي و غيرهم و عمل منهم نجوم بالكالتشيو على عكس الداهية و الراعي الرسمي للجلطات و السكري يلي رجعته ادارة اليوفي ويلي كل ما حدا حكى له ليش هيك يا غبي شو عم تخبص ؟ يرد عليه بالجواب المعتاد و يمننا ( لقد كان الفريق يخرج مع مالمو و الاندية الصغيرة بالتشامبيونز و الان انا هنا و اصبحنا نمر لدور ال 16 ماذا تريدون اكثر من ذلك ) كل مرة بيرجع لنفس الاسطوانة ، المواهب موجودة باليوفي و محتاجة بس مدرب يعطيها فرصتها و كلهم احسن عاهات و حبايب ميستر دجاجة بالهجوم كان موجود فيليكس كوريا و اكي وينهم ؟ مو احسن من موراتا او كين ؟ او حتى المسكين يلي ملتصق بكرسي الاحتياط كايو ، و كجناح موجود سولي يلي هو افضل بمراحل و سنين ضوئية من الشبح رقم 20 بس الميسر جبان مو مقتنع انه موهبة ، دي وينتر افضل بمراحل من النفاثة ، و رانيوكا و كافيليا و فاجيولي افضل من رابيو رامسي و عالقليل واحد منهم كان لازم ياخذ فرصته بس وينهم حاليا ؟
الله يستر من القادم لان كل شي بجهة و خوفي من التعاقد مع فيتسل و ترك زكريا بجهة تانية ، و التعاقد بشكل كامل مع موراتا بتكون مصيبة من المصايب يلي بيعمله ميستر غبي ،لو عندهم شوية عقل و يفكروا بمصلحة النادي اول شي يقلعوا رامسي و يجيبوا زكريا بالشتاء و يجيبوا ظهير يسار و يدوروا على نادي ياخذ ساندرو و الشبح 20 و النفاثة2 و معهم الزرافة25 و المدافع اللطيف الكيوت 24 و معهم بينتانكور و يشتروا زكريا و ميلينكوفيش سافيتش و في لاعب فيرونا اسمه تاميزي بالوسط مثل المدحلة بالافتكاك و محتاج فريق كبير يتبناه ، و بالهجوم ارجع موراتا و انهي اعارته و تعاقد مع فلاهوفيش و تخلص حتى من كين و اجبر ميستر دجاجة يعطي الفرصة لكايو او اتعاقد مع مهاجم ريفر بليت موهوب و قناص بهالعمر و بالاجنحة يظل عندك كييزا و كوادرادو و كولو ياخذ فرصة اكبر و معهم سولي و من بدل العملاق اللطيف 24 لو تجيب مدافع من الناشئين يقعد عالاحتياط و ياخذ خبرة بيكون افضل بمراحل و الاظهرة موجود بيلغريني يسار و دانيلو يمين و الاحتياط دي وينتر و تعاقدوا مع ظهير يسار يحل كاساسي بالفريق و يكون بيلغريني بديل ، يلي حكيته كله على بعضه لو ينعمل راح يكون النادي مستفيد ماديا و فنيا كمان بس الخاسر الاكبر بيكون ميستر دجاجة لان ما راح يظل بالفريق عاهات و وقتها بنخلص منه لان راح يقدم استقالته و يروح للفريق يلي تعاقد مع النفاثة او الشبح ههههههههههههه ،
احلام البسطاء ههههههههههههههههه

انا معه بخصوص غاسبريني جاليا داخل ايطاليا لكني واثق ان اليوفي يحتلج مدرب لعب بالكالشيو سابقا ولكن غير ايطالي وليس بانتراوي اي مدرب اجنبي لعب بالكالشيو اتوقع له نجاح افضل من اليغري وغازبريني مع اليوفي مثلا تيودور او زيدان او او او