منتديات يوفنتوس العربية

مرحبا بك عزيزي الزائر. سجل حساب مجاني اليوم لتصبح فردا من أسرتنا! بمجرد تسجيل الدخول، ستتمكن من المشاركة في هذا المنتدى عن طريق إضافة مواضيعك ومشاركاتك، وكذلك التواصل مع الأعضاء الآخرين عن طريق الرسائل الشخصية الخاصة بك!

الشعب السعودي 2012

ياسر الجهني

Well-Known Member
إنضم
8 مارس 2010
المشاركات
385
مستوى التفاعل
4
النقاط
0
الشعب السعــــــــــــــــــــــــــــــــــــودي ..:)


وصلنا عام 2012 :
ومازالشعب السعودي إذا شاف اخوه الصغير معه شبس يقوله : افتح لك ؟
عشان ياكل منه.


وصلنا عام 2012 :
ومازال الشاب السعودي مايعلم باسم امه واذا تزوج اول ماتجيه..
بنت سماها على اسم امه.


وصلنا عام 2012 :
ومازال الشعبالسعودي إذا شرى خبز ( تميس ) ياكل من اطرافه قبل ياصل البيت.


وصلنا عام 2012 :
ومازال امهاتنا اذا تكلموا بالتلفون يرسمون على الزوليه..
ويلقطون اللي طايح ويطقطقون على فخوذهم


وصلنا عام 2012 :
ومازالشعب السعودي إذا شافوك راجع من المسجد يسالونك..
خلصتوا صلاه ؟!


وصلنا عام 2012 :
ومازالت الفتاه السعوديه اذا خلصوا الرجاجيل من العشاء تسال..
هذا مكان مين ؟!

وصلنا عام 2012 :
ومازالت ((واااحد اثنين اثنين ونص ثااا ثاااا ثـ لااااااااا ثـ ثـ ثـ هـ ))
جمله سعوديه مشهوره يستخدمها الاخوان الكبار قبل تكفيخ الصغار

وصلنا عام 2012 :
ومازال الشعب السعودي يفتح كيس التوست يترك اول خبزه وياخذ من النص .
= محد يسويهآ أبد..


وصلنا عام 2012 :
ومازل الشعب السعودي يسمي البقاله الي قريبه من بيتهم بقالتنا
= على كيف ابوك يالحبيب..



وصلنا عام 2012 :
ومازال الشعب السعودي إذا جيت وقلت وين فلان..؟
حط يده فـ مخباته وقال لحظه بطلعه


وصلنا عام 2012 :
ومازال الشعب السعوودي إذا خلص الشامبو يعبون العلبه مويه ويرجونه..


وصلنا 2012 :
ومازال الشعب السعودي اذا غسل يدينه وطلع من الحمام ..
يرشق المويه بوجه اول واحد قدامه = لآبد منهآ هالحركه..

وصلنا 2012 :
ومازال الطالب السعودي إذا خلص النشيد الوطني يقول طن طرن.

= انا اولهم للحين اقولها بكل يوم ..



وصلنا 2012 :

ومازال الشعب السعودي يتخاصمون من يجي عند البآب فالسياره.

وصلنا 2012 :

ومازال الشعب السعودي يسمي البلاستيشين سوني..

= يآخي سوني شركه والله شركه.


وصلنا 2012 :

وما زال الشعب السعودي إذا علق شريط البلآيستيشن

آخذه و تفل عليه ومسحة بسرواله الخايس عشآن يشتغل وسبحان الله يشتغل !


وصلنا 2012 :

ومازال الشاب السعودي اذا فك الايس كريم يلحس القرطاسة او الغطاء.



وصلنا 2012 :

ومازال الشعب السعودي اذا طفشان يروح يفتح الثلاجه يطل فيها.


وصلنا 2012

ومازال الشعب السعودي اذا حكت سيارته بالمطب

هاه بههااايبة ىههههاه وش رايكم .. مو شعب عجيب الكل نفس العادات .. توااافق عجييب.

تحياتي للجميع​
 
انا بصراحة ماني عآيش في السعودية
لكن عآدآت غريبة
مشكور على الطرح
 
وصلنا عام 2012 :
ومازالشعب السعودي إذا شاف اخوه الصغير معه شبس يقوله : افتح لك ؟
عشان ياكل منه.

اسويها مع اخوي ههههههههه
 
ههههههههههههههههه حلوه
 
وصلنا عام 2012
ومازال الطالب السعودي اذا حل اخوه الكبير الواجب يقله اكتب بخط معرج عشان الاستاذ مايعرف
 
وصلنا 2012 ....

والشعب السعودي اذا نزل مطر يغــبــر السيارة...!

بالتراب والوصخ...الحمد لله على نعمة العقل...!

لك احترامي وامتناني ...
 
وصلنا عام 2012
ومازال الشاب السعودي اذا اراد اخوه الصغير
يلعب معاه في البلايستيشن يقص عليه يحط واير اليد تحت البلايستيشن هههههههههههههههه
موضوع مميز
 
وصلنا 2012 :

ومازال الشعب السعودي اذا طفشان يروح يفتح الثلاجه يطل فيها.

هههههه صراحه هذي اسويها ..!
 
بالفعل توافق غريب وعجيب في العادات والطباع بال حتى في الطموح ....يعني طموح السعودي ....يكمل دراستة....يدور وظيفية.....يدورسكن....يشتري سيارة......يتزوج......يربي عيالة.......يتقاعد......ينتظر متى يموت.
 
بالفعل توافق غريب وعجيب في العادات والطباع بال حتى في الطموح ....يعني طموح السعودي ....يكمل دراستة....يدور وظيفية.....يدورسكن....يشتري سيارة......يتزوج......يربي عيالة.......يتقاعد......ينتظر متى يموت.

في الصميم...

هذي مو طموح...

ان الواحد يتزوج ......ويجيب عيال وسيارة.......

كل اللي قت اللي فوق هذي من حقوق الشعب السعودي...

وليست طموح الطموح انه يكتشف شي ...

بل ان يذهب لشيء بعيد المنال...

على سبيل المثال...يريد ان يذهب الى المريخ..:blow:


يالف كتاب...الخ الطموحات كثيرة ومتغيرة من شخص الى شخص...


عطوا السعودي مجال وكل الحقوق وشوفوا ايش رح يسوي السعودي...
 
التعديل الأخير:
وصلنا 2012 :



وما زال الشعب السعودي إذا كان ينتظر شئ ومر عليه دقيقة يقول [ سنه ]



مشكوووور على الموضوع
 
أعلى