Tmw : اليوفي يعرض على هالاند راتب 3.5 - 5 مليون , رايولا يريد 15 مليون !

أمام ايرلينغ هالاند المهاجم النرويجي الشاب عدد من العروض و الاختيار له قريباً للنظر فيها ، احد هذه العروض من اليوفنتوس ، اللاعب لديه شرط جزائي بقيمة تصل الى حوالي 30 مليون يورو مع ناديه سالزبورغ النمساوي ، موقع التوتو ميركاتو ويب يشير على ان اليوفي يعرض عليه راتب 3.5 مليون يورو مع مكافآت تصل الى 1.5 مليون ، و مع ذلك يبقى احد العوامل المهمة في المفاوضات مع الاندية هو الوكيل رايولا , الموقع يشير على ان رايولا طلب حوالي 15 مليون يورو لنقله لفريق او آخر كـ عمولة ، و اليوفي بهذا الجانب لديه علاقة ايجابية مع رايولا مع عدة صفقات بيع و شراء في الفترات الماضية و آخرها دي ليخت بتفاصيلها المعقدة ..
​

mkobaissi


بعيد عن السلبية و غيرها , لكن بذكر لك كم نقطة : [[ اولها ترى هالاند ماهو قريب من اليوفي حتى الحين ( عروض كثيرة جدامه و ممكن يختار منها ) // ثاني نقطة اكيد هالاند ما راح يلقى مكانه في اليوفي مباشرة و ما نقدر نضحك على بعض سواء لانه شاب او لان الموجودين حالياً معروفين الاساسيين ( يعني من هذي الزاوية اليوفي صعب يستفيد مباشرة من اللاعب بكل الحالات مثل وضعهم مع روميرو و بيليغريني دفع فوق 25 مليون يورو و ثم اعارات و صعوبة الزج به مباشرة بالفريق الاول ) ,, مسألة الفرصة هذي من الاسباب اللي تخلي اللاعب نفسه يتردد بقبول اليوفي او غير اليوفي اذا ما يلقى مكانه من اللعب و هذا مفروض طبيعي و بالعقل يختار فريق يناسبه لهذه المرحلة الا اذا ( الفلوس تغير النفوس ) تعفس براس رايولا و يغير من راس هالاند بعد // ثالث نقطة و بناء على النقاط السابقة بعد : حالياً اليوفنتوس في أي المراكز يحتاج اكثر لاعبين و من سنين ؟ واضح خط الوسط هو النقص الاكبر فما اعرف بصراحة شنو ينتظر اليوفي حتى يدفع لتعزيز وسطه قبل باقي المراكز و يدور في المجاني و الرخيص // رابع نقطة , مسالة امكانيات اللاعب , اكيد الوقت راح يبين لنا الحقيقة , لكن بالمنطق حتى الحين اللاعب يلعب بالدور النمساوي و ماهو مقياس , عادي شفنا مهاجمين تألقوا و يتألقون كل سنة من الشباب مثل بايطاليا باتريك تشيك من سنتين ( قاعد يرجع حالياً مع لايبزيغ الالماني رغم التقليل الكثير منه اللي شفته لان اليوفي ما تعاقد معه بسبب الفحوصات الوهمية ) و بيونتيك الموسم الماضي ( اتوقع بيرجع يتحسن مع فريق غير ميلان ) , يعني فيه شباب يطلعون و بعضهم يواصل و بعضهم لا و النادي اللي ينتقل له يفرق لتألقه و تقييم هالاند صعب لان الدور النمساوي صعب يكون عبرة // و مثل ما قلت الوقت راح يبين و اللاعب نفسه لو ذكي بيختار فريق يلعب له مستمر اكثر حالياً و اتوقع الانسب له بالوقت الحالي مثل دورتموند و مانشستر يونايتد , حتى لو ينتقل لايبزيغ ماهو سهل يلعب على حساب الثلاثي فيرنر و بولسين و تشيك ]]
​