ساكي : أنييلي لم يكن لديه صبر , ساري وافق على مهمة مستحيلة مع فريق متشبع كبير بالسن

يكفيني من كوارث رئيس مثل أندريا أنييلي ان لا يدعم مدربه و لا يظهر أمام اللاعبين ليثبت دعمه و كأنه ينتظر فقط نهاية الموسم من بدايته ( و قبل كل شيء الدعم في السوق ) و فقط عند الخروج الاوروبي جاء يتكلم بعد المباراة و لم يذكر حتى الكارثة التحكيمية كما ذكرها من قبل ( باختصار ما صدق على الله ) و ساكي صادق في كلامه كما ذكرها كثير المشجعين الطليان ان ساري لم يحظى بالدعم او الصبر او التعاون الكافي من الإدارة و البعض يقيمه على لبسه او شوي من كلامه

و ما اعرف شنو بيسوي أنييلي مع بيرلو من دعم بداية من السوق و وصولاً الى غرف الملابس و التدريبات مع اللاعبين خصوصاً اللي يشوفون نفسهم ( و بالاصل الفريق ما عنده سوى لاعبين قليلين يستحقون اليوفنتوس لكن مع أنييلي أصبح الجميع يستحق اليوفي , تعودنا خصوصاً من بداية بيع النجوم في 2015 على تجميع عاهات و ابقاء عاهات ) ، الدعم الخفي و أمام اللاعبين شيء مهم جداً بجانب السوق
​

و نقطة رونالدو لوحدها قصة كبيرة , يعني لازم رونالدو يكون راضي و ياخذ الألقاب الفردية حتى يستمر المدرب مثلاً ! ، حتى لو كان فيه لاعبين مخضرمين ثانيين ما اعتقد فيه مؤثر على القرارات مثل رونالدو و هذه مشكلة اذا انت عندك مشروع و توك موقع عقد ( 3 سنين ) مع مدربك و ينتهي بهذه السهولة ، قرار و تسرع انييلي ماهو الا توقيع على فشله نفسه و ممكن انتقام سريع للي كان مقترح ساري لتدريب الفريق و الكلام عن باراتيسي بدون لا نشوف دعم كافي من انييلي للفريق لا مالياً و لا معنوياً , أهم شيء في تصريحاته هو رونالدو الصفقة المالية ، وينك عن السوق يا نايم ! وين صناع اللعب

مثل ما قال ighost8 التعاقد مع لاعبين سوبر و رحيل رونالدو , ممكن بالمقابل تجلب اجنحة توب تكمل فيها التشكيلة مع مهاجم و ديبالا و اكيد رواتبهم ما راح تكون خرافية ، مفترض رونالدو نفسه يكون راضي شخصياً عن موسمه لكن ما يعني يدخل في قرار استمرار المدرب من عدمه ( دور الإدارة ) ، و اذا رونالدو نفسه ( لو كان يعتبر مقيم ! ) ما يشوف الوسط اللي معاه حالياً ! هذي مشكلة ادارة ماهي مدرب , خط الوسط اللي عندنا ما عندهم أي ابداع هجومي من سنين باستثناء رامزي أحياناً مع ارسنال لكن كثير الاصابات , بيانيتش من بعد روما و هو طايح تدريجي ، إما رونالدو ياخذ الجوائز و يكون راضي و إلا لا : ماهو منطق ! من الأساس هو مفروض ما وافق على اليوفي لو كان شايف تشكيلتنا مضبوط و يبي يلعب لدوري الابطال مباشرة ! بدال هذي الحوسة اللي صارت و خيبة سوق الانتقالات ماهي غريبة على الادارة مثل العام الماضي

ما كان فيه افضل من ديبالا أداءاً و احترافية معاً هذا الموسم 2019-2020 بلا منازع و هو يتحمل اشياء كثيرة من سنوات و بالأخص من صيف 2018 و لا كان يستطيع يصل لأرقام أكبر و أكبر من الاهداف و الشاطر يفهم : ) و هو أول واحد مفترض مكانه مؤكد في الفريق بجانب اسماء قليلة فقط​