عودة بيرنارديسكي و كيليني للتدريبات الجماعية لليوفي قبل لقاء اتالانتا

رجع الغالي يا شبااااااب رجع الاسطوري ،اي شو هالسعادة يلي الميستر دجاجة حاليا فيها و الاخبار تحكيله حبايب قلبه العاهات رجعت ديشيليو و بيرنارديسكي ، مفاتيح اللعب الهجومية و الدفاعية سر قوة اليوفي منقذي الفريق من الحال يلي فيها لاعب جوكر مثل ديشيليو بالخط الخلفي و الاخر جوكر بالخط الامامي ، بس عندهم مشكلة وحدة بس ما بيعرف يلعبوا كرة القدم ، الميستر دجاجة بمجرد ما سمع خبر رجعتهم رسم الخطة ضد اتلانتا و الاسمين موجودين بالخطة صدقوني ، بلا كييزا بلا ديبالا بلا بطيخ اجتكم اساطير النادي اساطير اللعبة ، بافضل حالاتهم ما بيقدموا شي بقى كيف و العاهتين راجعين من الاصابة ، صاحب حركة الشبح بيرنارزفتكي و صاحب الشعر المتلمع و المتابع لمباريات اليوفي من الملعب ، و لك ان تتخيل يا عزيزي مشجع اليوفي مباراتنا ضد اتلانتا بخط يسار يضم ديشيليو ظهير و رابيو وسط و بيرنارديسكي جناح ثلاث مشاهدين من اليوفي داخل المستطيل الاخضر صدقوني ، و عالاغلب هيك راح تكون الخطة صدقوني لان الميستر دجاجة معتبرهم فرقة انقاذ

بيليغريني - دي ليخت - بونوتشي - دي شيليو
لوكاتيلي - مكيني
كييزا - ديبالا - كوادرادو
كين

جربها يا اليغري لن تخسر شيء هيك هيك حالة الفريق بالويل