وكيل بياتزا يتحدث عن حالة موكله , بقاءه , رفض اعارته , امكانية استبعاده بالابطال ؟

[A.L.E 10]

بياتزا وبيرنارديسكي وكوستا وكوادرادو كلهم اجنحه ومع ذلك يقولون مانزو هو السبب في عدم التعاقد مع اجنحه!!
الكل من محللين وغيرهم اجمعوا ان مانزو ابدع الموسم الماضي بمركز غير مركزه، لكن مع ذلك ينتقد، الغريب ان ليشتاينر اللي ماسك مركزه من ست سنوات وهو عقيم فنيا ويعاني مع اي لاعب سريع ضده، واللي ينتهي الموسم وهو ما قدم ولا عرضيه صح ينغض عنه الطرف، مع انه في المباريات الكبيره تكثر هفواته ولا واكثر من مره كان يستحق الطرد بالمباريات الكبيره، لاعب ارى حتى دكه البدلاء كثيره عليه، والفيس اثبت ذلك بالدليل القاطع.

انت ماسك على ليشتستاينر شيء ؟! حولتها من ماندزوكيتش لستيفان شطحة مالها شغل مرة بهذا الموضوع ، تقولي ست سنوات بعدين تقول الفيس اثبت ذلك ! الفيس هذا ما انضم الا بالسنة السادسة لستيفان و لا العيون تشوف المواسم المميزة اللي قدمها اللاعب السويسري و انت حاط عليه حطة و خل ينفعك دي تشيليو اللي انضم اذا بيقدر يقدم افضل منه ، و هذا الفيس وينه الحين ؟ سلم لي عليه

 

[النينو]

استغرب من يقول ان مانزوكيتش يلعب جناح
يا جماعة مانزوكيتش جناح على الورق لكن هو يلعب مدافع وهذا الي يحبه اليغري لاعب يجيد الالتحامات ولا يهمه الفنيات
ليش برأيكم لو اعتمد على ساندرو الموسم الماضي جناح مو احسن بكثير من مانزوكيتش على الاقل يدافع ويهاجم ويفتك كرات
بما انه مانزوكيتش جناح ليش ما كان يلعب فيه قبل ما يجي هيغوايين السبب انه هيغوايين لازم يلعب ومانزوكيتش لازم يلعب وجربهم مع بعض ثنائي هجومي وما زبطت والحل المرضي حتى يضمن مشاركة مانزوكيتش وهيغوايين هي طريقة 4 2 3 1

بيانزا لاعب يملك فنيات مميزة واتمنى عدم الاستغناء عنه بالنهاية رح يجد نفسه مع الفريق ...:juve:

 

[BADER10a]

والله اللاعب موهبه اهم شي ياخذ فرصته

 

[بوأحمد75]

مع هذه الزحمه بالهجوم لا اتوقع له اي فرصه