اليوفي يتعرض لخسارة قاسية 3-0 امام ضيفه ريال مدريد بذهاب ربع النهائي

[N.A.J.I]

اذا كان هناك مشكلة نفسية فأراها في اليغري و تصريحاته من بداية الموسم و من الموسم الماضي حتى الآن , يبالغ كثيراً كثيراً في مديح الفرق المنافسة و يعتبر الهدف كان ربع النهائي بالنسبة لليوفنتوس منذ فترة ، و في مسألة المدافعين : من الذي اشرك بارزالي اليوم و لم يشرك روغاني ؟ من الذي سيجدد عقد بارزالي الشايب الى 2019 ؟ ما هي اخطاء بوفون اليوم الذي اصبح شماعة سهلة ؟ اذا كنا تلقينا اهداف فلماذا لم نسجل اهداف , أين هي الكرة الهجومية بكل هؤلاء اللاعبين المتاحين حالياً ؟ هل سجلنا الاهداف بأداء هجومي و بناء لعب مميز لكن الدفاع خربها باستقبال الاهداف ؟ و من الذين اشرك اسامواه امام ريال مدريد في الظهير الايسر ؟ خط الوسط خياراته ليست مميزة لكن المدرب صامت في السوق و راضي بكل شيء تقوم به الادارة .. ! و بالمقارنة في الدفاع عن مباراة برشلونة الموسم الماضي ( داني الفيس بونوتشي كيليني ساندرو ) ( دي تشيليو بارزالي كيليني اسامواه ) , اتوقع واضحة ,

و هناك استفهام دائم خارج الموضوع , هل بونوتشي دخل غرف الملابس بين الشوطين هذه المرة ايضاً : )

كان على بوفون أن يطير حرفياً بعدما أنقذ التسديدة ليبعد العرضية وينطلق بها ليسجل هدفاً في مرمى نافاس !! طبعاً مقصر بوفون ! كانت النتيجة ستصبح 1.1 !!!!!

 

[loaiz]

الفريق يحتاج لغربله وتعاقدات على مستوى إسم اليوفي، أما لانقول مدرب ولا نقول غيره شوفوا الأسماء اللي في الريال وشوفوا اللي عندنا وقت ماكنا نبهدلهم في مباريات دوري الأبطال ذهاب وإياب كان عندنا فريق مرعب ودكة إحتياط قوية، أما الآن لا يوجد لدينا أساسيين أقوياء بإستثناء كم لاعب والباقي مرتزقه والله يستر من القادم..

 

[HAJRIERO]

الحمد لله على كل حال قدر الله ما شاء فعل ...


هالبطوله مو مكتوبه حق الفريق سواء وصلنا نهائي والا غيره ...


انا مابي أتكلم عن الفرق الكبير بين الناديين ولا الفرق الكبير بالمستوى ولا الفرق الكبير بين نجوم الفريقين ! لانه اذا تكلمت عن هذا ما راح اخلص وخصوصا وسط في خضيره وبينتانكور اللي مالومهم ضد كروس ومودريتش !



انا اللي نرفزني امس مو الخساره ولا مستوى الفريق لا ! لما حطوا الكاميرا على نيدفيد كان معصب ويأشر ابإيده و ماكان عابجه الوضع ! عفوا على شنو معصب ؟!

مو انت نائب الرئيس ؟ مو انت المفروض تكون لك كلمه على اليغري و الا على اللاعبين ؟ !

انتوا السبب الرئيسي بمستوى الفريق بالابطال , سبحان الله كل مايطلع نجم من الفريق قلتوا اللاعب طلب الخروج !

اوكي اللاعب طلب الخروج ماتعرف تزيد معاشه ! تقنعه يقعد بالفريق تعطيه مميزات !


اوكي اللاعب طلع منو البديل اللي شريتوا بنفس مستواه او افضل ؟! دايما اقل او شغل مجاني !


راح منا فيدال وبوغبا وبونوتشي والفيس ! التعويض منو ( ديشيليو , بيننانكور , هوفيديس اللاعب المصاب ) طبعا الأفضل واللي بروحه بالوسط بيانيتش اللي على وضعنا هذا ماتوقع يكمل معانا !


بينتانكور لاعب زين وماقصر امس حتى بيانيتش يمدحه , بس ماقارنه مع اللي طلعوا !




في شغله ماعجبتني امس من جمهور اليوفي , لما يستلم الأفضل بالعالم كريستيانو الكره يصفرون ليش اهوه شنو مسوي ! ولما سجل يمكن من احلى اهداف دوري الابطال هالسنه قاموا يصفقون له !



مبروك للريال يستاهلون وهاردلك لنا :icon26:

 

[loaiz]

الحمد لله على كل حال قدر الله ما شاء فعل ...


هالبطوله مو مكتوبه حق الفريق سواء وصلنا نهائي والا غيره ...


انا مابي أتكلم عن الفرق الكبير بين الناديين ولا الفرق الكبير بالمستوى ولا الفرق الكبير بين نجوم الفريقين ! لانه اذا تكلمت عن هذا ما راح اخلص وخصوصا وسط في خضيره وبينتانكور اللي مالومهم ضد كروس ومودريتش !



انا اللي نرفزني امس مو الخساره ولا مستوى الفريق لا ! لما حطوا الكاميرا على نيدفيد كان معصب ويأشر ابإيده و ماكان عابجه الوضع ! عفوا على شنو معصب ؟!

مو انت نائب الرئيس ؟ مو انت المفروض تكون لك كلمه على اليغري و الا على اللاعبين ؟ !

انتوا السبب الرئيسي بمستوى الفريق بالابطال , سبحان الله كل مايطلع نجم من الفريق قلتوا اللاعب طلب الخروج !

اوكي اللاعب طلب الخروج ماتعرف تزيد معاشه ! تقنعه يقعد بالفريق تعطيه مميزات !


اوكي اللاعب طلع منو البديل اللي شريتوا بنفس مستواه او افضل ؟! دايما اقل او شغل مجاني !


راح منا فيدال وبوغبا وبونوتشي والفيس ! التعويض منو ( ديشيليو , بيننانكور , هوفيديس اللاعب المصاب ) طبعا الأفضل واللي بروحه بالوسط بيانيتش اللي على وضعنا هذا ماتوقع يكمل معانا !


بينتانكور لاعب زين وماقصر امس حتى بيانيتش يمدحه , بس ماقارنه مع اللي طلعوا !




في شغله ماعجبتني امس من جمهور اليوفي , لما يستلم الأفضل بالعالم كريستيانو الكره يصفرون ليش اهوه شنو مسوي ! ولما سجل يمكن من احلى اهداف دوري الابطال هالسنه قاموا يصفقون له !



مبروك للريال يستاهلون وهاردلك لنا :icon26:

صح لسانك أخوي hajriero ، بس مين في اليوفي له كلمه على آنييلي؟؟

 

[HAJRIERO]

صح لسانك أخوي hajriero ، بس مين في اليوفي له كلمه على آنييلي؟؟

صح بدنك اخوي...

والله ياخوي انييلي همه الفلوس وشعار اليوفي اليديد والفندق اليديد !

الفريق اخر اهتمامه، حتى الجمهور اللي بتورينو يحتجون على سعر التذاكر! يطلعون نجوم الفريق مو مشكله اهم شي سعر التذكره !

 

[بوأحمد75]

اذا كان هناك مشكلة نفسية فأراها في اليغري و تصريحاته من بداية الموسم و من الموسم الماضي حتى الآن , يبالغ كثيراً كثيراً في مديح الفرق المنافسة و يعتبر الهدف كان ربع النهائي بالنسبة لليوفنتوس منذ فترة ، و في مسألة المدافعين : من الذي اشرك بارزالي اليوم و لم يشرك روغاني ؟ من الذي سيجدد عقد بارزالي الشايب الى 2019 ؟ ما هي اخطاء بوفون اليوم الذي اصبح شماعة سهلة ؟ اذا كنا تلقينا اهداف فلماذا لم نسجل اهداف , أين هي الكرة الهجومية بكل هؤلاء اللاعبين المتاحين حالياً ؟ هل سجلنا الاهداف بأداء هجومي و بناء لعب مميز لكن الدفاع خربها باستقبال الاهداف ؟ و من الذين اشرك اسامواه امام ريال مدريد في الظهير الايسر ؟ خط الوسط خياراته ليست مميزة لكن المدرب صامت في السوق و راضي بكل شيء تقوم به الادارة .. ! و بالمقارنة في الدفاع عن مباراة برشلونة الموسم الماضي ( داني الفيس بونوتشي كيليني ساندرو ) ( دي تشيليو بارزالي كيليني اسامواه ) , اتوقع واضحة ,

و هناك استفهام دائم خارج الموضوع , هل بونوتشي دخل غرف الملابس بين الشوطين هذه المرة ايضاً : )

وفي النهائي العام الماضي نفس خط الدفاع وكليناها 4 من الريال

 

[A.L.E 10]

وفي النهائي العام الماضي نفس خط الدفاع وكليناها 4 من الريال

تراها نقطة من مجموعة نقاط لكن ايضاً ما كان نفس الدفاع : بارزالي راح ظهير يمين ( فاشل مثل ما نشوفه غالباً بهذا المركز ) و داني الفيس راح جناح ( ماهو مركزه ) و فقدنا اضافة كوادرادو في مركزه كجناح و تبديل متأخر جداً